Banorët e Floqit në Korçë të prekur nga tërmeti i 1 qershorit e kaluan verën në çadra apo shtëpitë e rrënuara.
Ata shprehen të frikësuar për dimrin që po vjen, duke treguar mosbesim për zgjidhjen e situatës përpara kësaj stine. Tre muaj pas tërmetit të 1 qershorit, shumë familje në Floq të Korçës mbeten në qiell të hapur dhe të pasigurt për të ardhmen.
Verën e kaluan në çadra, shkollën e fshatit apo shtëpitë e rrënuara, por dimri që në këto anë është i ashpër i tremb.
Qeveria u ka premtuar rindërtim të shtëpive para stinës së ftohtë, por banorët thonë se duke parë ecurinë dhe problematikat sipas tyre të procesit janë bërë mosbesues.
Tërmeti i fuqishëm i 1 qershorit shkatërroi më shumë se 120 banesa ndërsa la në rrugë dhjetëra familje.
Aktualisht janë ndërtuar 5 banesat e para ndërsa pritet të vijojë edhe në banesat e tjera.
