28.09.2019 - 15:10
Grupi i famshëm Metallica ka njoftuar se do të ndërpresë turneun botëror për shkak të problemeve me alkoolin të këngëtarit James Hetfield.
Në një njoftim publik në faqen e grupit, të tre anëtaret shpjegojnë që vëllai i tyre James ka luftuar dhe lufton me varësinë e tij nga alkooli prej shumë vitesh.
Tani për fat të keq ai duhet të hyjë në një program trajtimi për të punuar sërish për shërimin e tij. Datat që janë shtyrë janë 17 tetor dhe 2 nëntor në Australi dhe Zelandën e re, ndërsa për tani mbetet e konfirmuar data 28 mars në Amerikë.
Njoftimi për shtrimin në spital të Hetfield vjen pikërisht në ditën e përvjetorit të vdekjes së Cliff Burton, kitarist i Metallicas nga 1982 në 1986.
