Belgjika siguroi edhe matematikisht një vend në Kampionatin Europian 2020, kur kanë mbetur edhe 3 ndeshje eliminatore, teksa kualifikimin e festoi me një fitore të thellë 8-0 ndaj modestëve të San Marinos.
Të besuarit e Roberto Martinezit dominuan totalisht sfidën, me një kontroll të topit në masën 77%, ndërsa shënuan plot 6 herë në pjesēn e parë dhe 3 herë në 45-minutëshin e dytë.
Kryesfida e mbrëmjes ishte ajo mes Holandës dhe Irlandës së Veriut, që u fitua nga “tulipanët” ms rezultatin 3-1 me përmbysje, në një takim ku gjithçka u zhvillua në pjesën e dytë.
Irlandezo-veriorët u mbrojtën mjaft mirë për shumë minuta në stadiumin “De Kuip” të Rotterdamit dhe befasoi të gjithë spektatorët me golin e Magennis në minutën e 75-të.
Por këtu filloi edhe ndeshja e vërtetë për Holandën që në 10 minutat e fundit shënoi 3 gola, dy herë me Depay dhe një herë me De Jong, duke kompletuar një përmbysje spektakolare që e ngjit përkohësisht në vendin e parë në grup.
Një hap të rëndësishëm drejt kualifikimit hodhi edhe Kroacia, që mposhti bindshëm 3-0 Hungarinë në Zagreb, falë dopietës së sulmuesit Petkoviç dhe golit të kapitenit Modriç, të tre në pjesën e parë.
Në takimet e tjera, Austria mposhti me përmbysje 3-1 Izraelin, Maqedonia e Veriut triumfoi 2-1 ndaj Sllovenisë, Polonia fitoi 0-3 në transfertë ndaj Letonisë dhe Sllovakia e Uellsi u ndanë në barazim 1-1.
