Ndërsa maxhoranca dhe opozita parlamentare do të mbledhin sot komisionin e Reformës Zgjedhore, PD bashkë me aleatët e saj do të mbajnë paralelisht një tjetër tryeze me grupin e punës.
Mësohet se ky grup pune do të drejtohet në nivel politik nga Gazmend Bardhi, ndërsa do të ketë përfaqësues nga të gjitha partitë opozitare jashtëparlamentare.
Ndërsa anëtarë do të jenë Oerd Bylykbashi, Ivi Kaso, Enkelejd Alibeaj, Clirim Gjata, Endri Hasa si dhe Arben Ristani.
Ndërkohë, të gjitha partitë e koalicionit do të kenë përfaqësuesit e tyre në grup pune, ku LSI ka caktuar 3 përfaqësues; PR dhe PDIU nga 2 perfaqësues dhe PAA, PDK, LZHK, PBDNJ nga 1.
PD deklaroi se opozita nuk e njeh komisionin për reformën zgjedhore. Pikërisht për këtë arsye do të mblidhet grupi i punës së opozitës së bashkuar.
