Kënga e njohur arbëreshe “Lule, lule” është kënduar në spektaklin “The Voice of Greece”.
Këngën “Lule, lule”, e ka kënduar një vajzë nga Ukraina, e cila edhe pse nuk dinte shqip, ja doli shumë mirë të fitonte zemrat e anëtarëve të jurisë duke bërë që të gjithë të kthenin karrigen për të.
Vajza nga Ukraina, tha se kjo këngë ishte mjaft e veçantë për të dhe shtoi se e kishte kënduar me zemër, por pa dhënë detaje më shumë për lidhjen që kishte ajo me këtë këngë.
Juria mbeti e habitur kur mësoi se kënga ishte në gjuhën shqipe, ndërsa më pas i kërkuan që të këndonte edhe një këngë greqisht, të cilën ajo e këndoi shumë mirë.
Anëtari i Jurisë: Ajo çfarë dëgjuam ishte këngë ukrainase?
Vajza nga Ukraina: Jo, është këngë ballkanike
Anëtari i Jurisë: Çfarë gjuhe ishte ajo që dëgjuam?
Vajza nga Ukraina: Shqip
Vajza nga Ukraina: Është një këngë e veçantë për mua dhe doja ta këndoja për ju
Anëtari i Jurisë: Ti vjen nga Ukraina dhe flet shqip?
Vajza nga Ukraina: Jo, nuk flas shqip, por e këndova këtë këngë me zemër
