18.11.2019 - 18:14
Një këmbësor rreth 60-vjeçar u përplas për vdekje nga një automjet në Elbasan.
Sipas një njoftimi paraprak të policisë, ngjarja ndodhi në lagjen “28 nëntori”.
Shoferi L.K., 47 vjeç, banues në Tiranë, duke drejtuar automjetin tip “Volkswagen”, ka aksidentuar një këmbësor, rreth 60 vjeç, ende i paidentifikuar, i cili ka ndërruar jetë.
“Drejtuesi i makinës është shoqëruar në Komisariatin e Policisë Elbasan për veprime të mëtejshme procedurale.
Grupi hetimor ndodhet në vendngjarje dhe po punon për zbardhjen e shkakut të aksidentit”, thotë policia në njoftimin zyrtar.
