Ashtu si kapiteni, edhe trajneri i Kombëtares, Edy Reja, beson se ndaj Francës mund të merren tri pikët. Reja pohoi se do të donte ta drejtonte ekipin më parë.
KOMBËTARJA – “Takimet janë më të ralla. Ke më shumë kohë për të zgjedhur lojtarët. Fola me Deschampsin dhe më tha se ishte i kënaqur me Francën dhe stresi nuk ishte i njëjtë si të punosh me Juven.
Më vjen keq që nuk erdha më përpara të drejtoja Shqipërinë, të njihja më tepër ekipin dhe nëse do të kisha më shumë kohë do të kishim tjetër rezultat. Për të ardhmen do të kemi rezultate më të mira”.
FORMACIONI – “Kemi 4 lojtarë me dëmtime. Cikalleshi, Abrashi, Xhaka apo Kamberi, kemi një ekip që i zëvendëson si duhet ata që mungojnë. E dimë se Franca është kampione bote dhe janë të fortë, por nuk fitojnë gjithmonë më të fortët.
Duhet të përdorim kokën dhe jo vetëm zemrën, duhet të përgatitemi si duhet dhe në nivelin taktik. Kemi përgatitur gjithçka dhe në stadiumin e ri shpresoj të shohim një Shqipëri tjetër”.
ANDORRA – “Kur futesh në fushë, futesh me idenë për të fituar ndaj çdo kundërshtari. Kundër Andorrës gabum shumë në mbrojtje dhe jo në sulm.
Jam dakord që nuk bëmë mirë, por me Francën është tjetër histori. Andorra nuk fitonte prej 8 vitesh jashtë dhe ne na bëri 2 gola, duhet të kuptojmë se çfarë nuk shkoi.
Franca nuk mbyllet si Andorra dhe luan në sulm. Ne duhet të mbrohemi mirë dhe duhet të provojmë që t’i sulmojmë me inteligjencë. Duhet të jemi shumë inteligjentë dhe të punojmë me mend.”
VAZHDO TË LEXOSH MË TEPËR PËR TEMËN
“Stadiumi i ri, biletë e Shqipërisë për në Europë”
