Komisionari Evropian për Zgjerim në largim, Johannes Han, deklaroi se presidenti i Serbisë Aleksandar Vuçiç i kishte thënë atij pasi bllokoi bisedimet e anëtarësimit me Maqedoninë Veriore dhe Shqipërinë, se nuk e kishte të qartë pse ai do të motivohej më tej për të vazhduar dialogun me Prishtinën.
Hahn e tha këtë në një intervistë me Financial Times, dhe gazeta vlerësoi se një qëndrim i tillë ishte një goditje për BE-në, e cila kaloi gati 10 vjet duke u përpjekur për të ndërmjetësuar bisedimet midis Beogradit dhe Prishtinës.
Ai tha se bllokada e dialogut erdhi në një kohë kur duhej rritur përpjekjet për ta bërë BE një lojtar më të fortë global, si dhe humbjen e ndikimit “në një rajon për të cilin thuhet se mungesën e BE-së do ta plotësojnë Kina dhe Rusia.
Hahn shtoi se gjëja më befasuese për të ishte se BE nuk kishte treguar që gjithmonë i përmbahej “parimit të përgjegjësisë” dhe paralajmëroi se nëse BE nuk e njeh përparimin e vendeve, atëherë nuk do të ketë shtytje të mëtutjeshme për reforma.
Ndryshe, Hahn tha se është krenar për përparimin e bërë gjatë mandatit të tij në avancimin e lidhjeve midis vendeve të rajonit – Shqipëri, Bosnje dhe Hercegovinë, Kosovë, Mali i Zi, Maqedoni Veriore dhe Serbi, të cilat ende janë duke luftuar për të kapërcyer luftërat dhe trazirat e viteve 1990.
“Takimet e lidershipit janë bërë të zakonshme,” tha Hahn, duke përshëndetur faktin se udhëheqësit e Maqedonisë Veriore, Shqipërisë dhe Serbisë kanë ndërmarrë iniciativën për heqjen e barrierave doganore në tregti.
