02.11.2019 - 22:43
Juventus nuk ndalet. Kampionët në fuqi nuk gabojnë as në derbi, duke fituar 1-0 ndaj Torinos dhe mbajtur kështu kreun e renditjes në Serie A, me një pikë para Inter.
Nuk ka qenë një ndeshje e lehtë, ashtu sic është një derbi, pavarësisht diferencave. Pjesa e parë ka përfunduar në barazim pa gola, edhe pse bardhezinjtë kanë pasur disa raste shënimi.
Në pjesën e dytë sërish Juventus ka vuajtur. Është dashur që ndeshjen ta zhbllokonte një mbrojtës. De Ligt ndodhet në momentin e duhur në 70’ dhe nga afër shkarkon të djathtën në rrjetë.
Më pas të besuarit e Sarrit luajnë më lirshëm dhe në kundërsulm mund të kishin shënuar edhe golin e dytë. 29 ndeshje radhazi pa humbje në derbi për Juventus, që vijon dominimin.
