Edhe pse të vegjël, fëmijët e viteve 1964-1965, fëmijët në vitet e para të shkollës së tyre kishin një mesazh nga udhëheqësi i Jugosllavisë Josip Broz Tito.
Tito, kishte lënë një mesazh në gjuhen serbe, madje të përkthyer edhe në shqip për fëmijët ku i kërkoi që të mësojnë për Jugosllavinë socialiste.
Ky mesazh, kishte qëllim nxitjen e nxënësve që të përkushtohen më shumë në shkollë dhe në mësime.
- Ja mesazhi i plotë:
“Mësoni mirë dhe ndëgjoni arsimtarët tuej. Ata dëshirojnë me krijue prej jush qytetarë të mirë t’arsimuem të vendit tonë. Përpiquni me qenë sa ma të mirë. Ata që mësojnë ma me vështirsi duhet të bájnë pak ma tepër përpjekje që edhe ata të mbërrijnë sukses të mirë.
Duhet të jeni të vendosun në punë; nëqoftëse nuk u mjafton nji orë për të mësue ndonji njisi, punoni dy ose ma teprë orë, por gjithmonë përvetësojeni mirë. Mësoni me kambëngulje dhe seriozisht, sepse dija ka randësi të madhe për qytetarët e vendit socialist siç ásht Jugosllavija jonë.
Kini gjithmonë ndërmend se ndaj Jugosllavisë socialiste keni obligime të mëdha. Gjithmonë duhet të mbani në mend se, bashkë me të vjetrit, për Jugosllavinë tonë të re kanë luftue me të vjetrit, për Jugosllavinë tonë te re kanë luftue me vetëdije kanë vdekë edhe të rijt prej moshës 15-vjeçare e ma nalt, se kanë sulmue në betejat ma t’ashpra tue mos mendue a do të dalin të gjallë prej lufte.
Njerëzit tanë kanë dhanë me vetëdije jetën e tyne që breznive t’ardhshme dhe rinisë që vjen t’i sigurojnë jetë ma të mirë. Mos e harroni këtë kurr dhe le t’u delni borxhit tue mësue mirë dhe tue u bá qytetarë të vetëdijshëm të Jugosllavisë socialiste.”
