14.11.2019 - 15:29
Për tremujorin e tretë të këtij viti, shtesa natyrore e popullsisë shënon një rënie prej 17.1%, nëse e krahasojmë me të njëjtën periudhë të vitit 2018.
Sipas një raportit që ka publikuar sot Instituti i Statistikave, INSTAT, mbi treguesit demografik numri i lindjeve, për tremujorin e tretë të këtij viti shënoi një rënie prej gati 10%, krahasuar me të njëjtën periudhë të 2018-s, ndërsa rënie ka pësuar edhe numri i vdekjeve me 5.1%.
Në tremujorin e tretë 2019, vlera më e lartë e shtimit natyror të popullsisë shënohetnë kryeqytet ku numri i lindjeve tejkalon me 1.223 numrin e vdekjeve.
Ndërsa qarku me shtesë natyrore me vlerë negative është ai i Gjirokastrës, ku numri i vdekjeve tejkalon me 53 numrin e lindjeve.
