Mbrëmja e fundit e këtij viti në Champions League është mbyllur me spektakël. Bayern Munchen dhe PSG janë dy skuadrat e vetme që fituan të gjitha ndeshjet në grup, duke u kualifikuar me 18 pikë të plota.
GRUPI A – PSG mposhti 5-0 turqit e Galatasaray. Një sukses që thuajse u vendos që në pjesën e parë, kur shënoi Icardi dhe Sarabia. Në të dytën nuk mund të mungonte Neymar, Mbape dhe Icardi, që vulosin fitoren e thellë.
Real Madrid nuk ka zhgënjyer ndaj Club Brugge, teksa fiton 3-1 dhe shmang ecurinë negative në grupe në shekullin e 21. Ndeshja është vendosur në pjesën e dytë, shënuan Rodrygo dhe Vinicius. PSG kualifikohet si vend i parë, Real si i dyti.
GRUPI B – Bayern Munchen, pasi fitoi 7-2 në ndeshjen e parë në Londër ndaj Tottenham, nuk ka falur sërish, teksa ka fituar 3-1. Për bavarezët kanë shënuar Coman, Muller dhe Coutinho.
Ndeshja tjetër e këtij grupi Olympiacos-Crvena Zvezda ka përfunduar 1-0, që con grekët në Europa League, pasi Bayern dhe Tottenham janë skuadrat që kalojnë më tej në Champions.
GRUPI D – Juventus nuk ka falur edhe në transfertë Leverkusen, teksa ka fituar 2-0 me golin e Ronaldos dhe Higuain në pjesën e dytë. Kampionët e Italisë kualifikohen si vendi i parë dhe pa humbje.
Në këtë grup është zgjidhur edhe enigma e fundit sa i përket skuadrës për në 1/16 e Champions, teksa do të jetë Atletico Madrid, që nuk e diskuton Lokomotivën e Moskës, duke fituar 2-0, me nga një gol për secilën pjesë loje, teksa vendasit madrilenë kanë humbur edhe një penallti.
VAZHDO TË LEXOSH MË TEPËR PËR TEMËN
City nuk fal në Zagreb, historike për Atalantën
Barça s’fal Interin, përmbys Dortmund e kualifikohet
