Milot Rashica ishte personazhi i ndeshjes Wolfsburg-Werder Bremen, sfidë që përfundoi 2-3. Mesfushori kosovar ka realizuar dy gola, që ua ka kushtuar shqiptarëve në momentet e vështira që po kalojnë.
Rashica gjeti rrugën e rrjetës që në minutën e 14-të me penallti. Futbollisti është treguar i qetë në ekzekutimin e saj, duke dërguar topin në rrjetë për t’i dhënë avantazhin skuadrës.
Menjëherë festimi me shqiponjë, pastaj gishtat drejtuar qiellit. Një mesazh i qartë që nuk ka nevojë për shumë interpretim ai i futbollistit të Kosovës, i cili ka shprehur në këtë mënyrë solidaritetin e tij me ata që kanë humbur shumë në këto ditë nga tërmeti i rëndë në Shqipëri.
Në minutën e 83-të, kur shifrat ishin 2-2, sulmuesi goditi përsëri pas një kundërsulmi të shpejtë, këtë herë me një diagonale të pakapshme, për të përsëritur edhe një herë festimet.
VAZHDO TË LEXOSH MË TEPËR PËR TEMËN
Shënon Gjasula, Klinsmann debuton me humbje
