Një paralajmërim i ri i është shtuar ilaçit të sklerozës së shumëfishtë (MS) Lemtrada (alemtuzumab) pas raporteve të rralla të pacientëve që vuajnë nga goditje dhe carje në muret e arterieve në kokë dhe qafë, tha Administrata e Ushqimit dhe e Barnave e Sh.B.A (FDA).
Shumica e pacientëve me këto probleme – të cilat mund të çojnë në paaftësi të përhershme dhe vdekje – zhvilluan simptoma brenda një dite nga marrja e një infuzioni fillestar të Lemtrada, tha agjensia. Në një pacient, simptomat kanë ndodhur tre ditë pas marrjes së ilaçit.
Një specialist i MS tha që informacioni është i rëndësishëm për njerëzit me MS, por nuk duhet të nënkuptojë se ata duhet menjëherë të ndalojnë përdorimin e ilacit .
“Një njeri duhet të peshojë gjithmonë rreziqet dhe përfitimet e trajtimit në lidhje me rrezikun e procesit themelor të sëmundjes,” tha Dr. Asaff Harel, një neurolog në Spitalin Lenox Hill në Neë York City. Ai tha se për shumë pacientë, Lemtrada është një terapi me të vërtetë efektive, kështu që “përfitimet mund të tejkalojnë rreziqet e mundshme për disa pacientë”.
Në ndërkohë, FDA tha që është duke mandatuar një paralajmërim të ri në lidhje me këto rreziqe për informacionin e përshkruar në etiketën e ilacit dhe udhëzuesin për ilaçet për pacientët.
Alemtuzumab është aprovuar gjithashtu për të trajtuar një lloj kanceri të quajtur leukemi limfocitike kronike të qelizave B (B-CLL). Etiketa e këtij ilaçi gjithashtu do të azhornohet për të përfshirë rrezikun e goditjes dhe dëmtimin e kores së e kokës (diseksioni arterial), tha FDA.
Nëse pacientët që marrin alemtuzumab zhvillojnë shenja ose simptoma të një goditjeje në tru ose diseksion arterial, ata duhet të kërkojnë trajtim urgjent sa më shpejt të jetë e mundur.
Simptomat mund të përfshijnë: mpirje të papritur ose dobësi në fytyrë, krahë ose këmbë, veçanërisht në vetëm njërën anë të trupit; konfuzion i papritur, vështirësi në të folur ose vështirësi në të kuptuarit e të folurit; telashe të papritura duke parë në njërin ose të dy sytë; telashe të papritura me ecjen, marramendje ose humbje ekuilibri ose koordinimi; dhimbje koke të papritura të forta ose dhimbje në qafë.
Në çdo infuzion të Lemtrada, mjekët duhet të këshillojnë pacientët që të kërkojnë ndihmë të menjëhershme mjekësore, nëse zhvillojnë simptoma të goditjes ose diseksionit arterial, tha FDA.
VAZHDO TË LEXOSH MË TEPËR PËR TEMËN
Autoimuniteti në Sindromet Mielodisplazike
Gjithçka duhet të dini rreth arterosklerozës
“Kam diabet! Si të mbaj sheqerin nën kontroll”
