Autoriteti Rrugor Shqiptar (ARRSH) njoftoi sot se në të gjitha akset rrugore kombëtare qarkullimi i mjeteve kryhet pa probleme.
ARSH informon se të gjithë kontraktorët janë në gatishmëri për përballimin e çdo situate dhe se vijon puna për pastrimin e akseve dhe kriposjen në vendet ku ka ngrica dhe akull nga temperaturat e ulëta.
Rajoni verior, sipas ARRSH-së, u mbizotërua nga temperaturat e ulëta dhe era e forte por qarkullimi realizohet normalisht dhe pa zinxhirë në të gjitha akset e e rajonit verior.
Në segmentin “Kuben-Vasije” ka pasur reshje bore 4-5 cm, shoqëruar me erë të fortë në formë cikloni.
Në rajonin qendror, në të gjitha akset qarkullimi kryhet normalisht dhe sipas ARRSH-së vazhdon puna për spërkatjen me kripë në vendet ku ka akull e ngrica.
Edhe në akset rrugore të Rajonit Jugor qarkullimi kryhet normalisht. “Nuk ka pasur reshje gjatë natës. Temperatura shkuan deri në -7 ° në disa zona, si Dardha dhe Qafa e Qarrit ku ka pasur dhe erë të fortë. Është punuar me kriposjen e akseve”- thuhet në njoftimin e ARSSH-së.
VAZHDO TË LEXOSH MË TEPËR PËR TEMËN
Akuza Qendros, PD i drejton ARRSH-së 4 pyetje
‘Unaza e Re’/ ARRSH-pronarëve: Dorëzoni dokumentacionin
