Britania, pritet te festojë së shpejti dhe me madhështi, daljen e shumëpritur nga Bashkimi Evropian. Veç të tjerash, në këtë atmosferë pritet të hidhet në treg monedha e re.
Shkrimtari Sir Philip Pullman, ka shprehur kundërshtimin e hapur për këtë. Ai i ka shpallur luftë monedhës së re, por çështja nuk është aspak politike./Konica.al
Shkrimtari është i shqetësuar, pse në mbishkrimin e monedhës metalike mungon e ashtuquajtura “presja e Oksfordit”. Monedha mban mbishkrimin “Paqe, mirëqenie dhe miqësi me të gjitha kombet”.
“Presja e Oksfordit”, nga disa gjuhëtarë mund të përdoret edhe para lidhëzës “dhe”, kur përshkruhet një varg çështjesh apo dukurish. Megjithatë, shumica nuk e përdorin presjen në kësi rastesh, ndaj çështja ka qenë shpesh pjesë e debateve midis gjuhëtarëve.
Ndërkohë, monedha e re do të jetë në qarkullim, prej 31 janarit, datë kjo, kur pritet largimi zyrtar i Mbretërisë së Bashkuar nga Bashkimi Evropian, sipas “BBC”.
Shpërndarja e monedhës së re ishte planifikuar fillimisht, për 31 tetorin e vitit të kaluar, por vendimi ishte anuluar pas shtyrjes së procesit të Brexit-it, pas dështimit për miratimin e marrëveshjes me BE-në, në kuvendin britanik.
Për më shumë lajme klikoni në www.konica.al
VAZHDO TË LEXOSH MË TEPËR PËR TEMËN
Androkli Kostallari, ky studiues i ndritur i gjuhës shqipe!
