Periudha tetor-dhjetor e vitit të kaluar nuk ishte shumë ‘miqësore’ përsa i përket besimit në biznes dhe njëkohësisht frenoi edhe rritjen e shfrytëzimit të kapaciteteve prodhuese.
Banka e Shqipërisë bën një vrojtim periodik për këtë situatë dhe nga kjo rezulton se ky tregues shfaqi një tendencë negative në tremujorin e fundit, sidomos në degët e tregtisë dhe të shërbimeve.
Në sektorin e tregtisë, norma e shfrytëzimit të kapaciteteve pësoi rënie krahasuar me tremujorin e mëparshëm. Sipas Bankës së Shqipërisë, ky tregues rezulton 4 pikë përqindje nën nivelin e shënuar një vit më parë dhe 4.3 pikë përqindje poshtë mesatares historike.
Edhe bizneset e shërbimeve raportuan një rënie të lehtë të shfrytëzimit të kapaciteteve prodhuese, rënie që vijon për të tretin tremujor radhazi. Megjithatë, bizneset e shërbimeve kanë një shfrytëzim të kapaciteteve që qëndron ende sipër mesatares afatgjatë.
Në sektorin e industrisë, norma e shfrytëzimit të kapaciteteve edhe për tremujoin e katërt u shfaq në stanjacion. Ajo qëndroi pothuajse në të njëjtin nivel si krahasuar me të njëjtën periudhë një vit më parë, ashtu edhe krahasuar me tremujorin e mëparshëm
I vetmi sektor që raporti një shfrytëzim në rritje të kapaciteteve prodhuese ishte ndërtimi. Norma e shfrytëzimit të kapaciteteve u rrit me 1.2 pikë përqindje në terma vjetorë dhe me 2.2 pikë përqindje krahasuar nme tremujorin e mëparshëm.
Për sektorin e ndërtimit, një shfrytëzim më i lartë i kapaciteteve në tremujorin e fundit mund të lidhet edhe me faktorë sezonalë, sidomos për atë segment që lidhet me zbatimin e projekteve të investimeve publike.
VAZHDO TË LEXOSH MË TEPËR PËR TEMËN
“Akademia e FA do të akreditohet si një institucion i arsimit të lartë”
‘Nga Shqipëria po ikin njerëzit me standard jetese’
