Barcelona është kualifikuar për në fazën çerekfinale të Kupës së Mbretit, teksa mposhti 5-0 Leganes në “Camp Nou”. Një fitore e lehtë e katalanasve, ku shënoi edhe Lionel Messi.
Vendasit e gjetën shpejt rrugën e rrjetës, teksa Griezmann shënoi që në minutën e katërt. Francezi nuk fali, teksa kaloi topin mes shalëve të kundërshtarit dhe gjeti cepin e portës.
Lenglet në 27’ dyfishoi pas një devijimi me kokë. Kaq mjaftoi në pjesën e parë. Në të dytën, në 59’, “firmos” edhe Messi, që pas një veprimi individual në zonë dhe një devijimi, “vulos” gjithcka.
Arthur në 78’ con shifrat në 4-0. Dhe në 89’ vjen goli i dytë i Messit, që shmang bukur portierin dhe realizon. Tashmë pritet hedhja e shortit, që do të jetë e lirë, ku nuk është habi që të kemi edhe “El Clasico”. I vetmi ekip i madh i skualifikuar është Atletico Madrid.
