Depozitat bankare u rritën me 38 miliardë lekë ose rreth 315 milionë euro vitin e kaluar. Sipas statistikave nga Banka e Shqipërisë, në fund të dhjetorit depozitat e përfshira në paranë e gjerë arritën në 1027 miliardë lekë, afërsisht 4% më shumë krahasuar me vitin 2018.
Rritja ka qenë e përqendruar sidomos në 6-mujorin e dytë të vitit, e mbështetur nga turizmi, remitancat dhe rritja e shpenzimeve publike.
Struktura e depozitave vazhdon të dominohet nga fondet në valutë dhe sidomos në euro, që mbetet zgjedhja e parë e shqiptarëve për mbajtjen e kursimeve të tyre. Në fund të dhjetorit, depozitat në valutë përbënin rreth 55% të totalit të depozitave bankare.
Megjithatë, sipas scan, për dhjetorin kontributin më të madh nē rritje e dhanë depozitat në lekë, që u zgjeruan me rreth gjashtë miliardë lekë, ndërsa depozitat në valutë u shtuan për vlerën ekuivalente të katër miliardë lekëve.
VAZHDO TË LEXOSH MË TEPËR PËR TEMËN
Depozitat bankare, Shqipëria është e dyta në rajon
23 mijë shqiptarë investojnë për pension privat
Pakësohen depozitat në banka
