Dy ekspertët gjermanë të cilët janë edhe njohës të rrethanave politike në Ballkanin Perëndimor, Toby Vogel dhe Bodo Weber, thonë se do të jetë zgjedhje e tmerrshme, nëse kryediplomati sllovak, Miroslav Lajcak, do të emërohet si emisar i BE për dialogun Kosovë-Serbi.
Një gjë të tillë dy anëtarët e Democratiaztion Policy Council e kanë thënë përmes një shkrimi të përbashkët në “EUobserver”, transmeton Gazeta Express.
Sipas tyre nuk do të jetë e mirë që me procesin e negociatave Kosovë-Serbi të merren dy zyrtarë të lartë të BE’së qe vijnë nga shtete të cilat nuk e kanë njohur pavarësinë e Kosovës. Lajçak nga Sllovakia dhe Përfaqësuesi i Lartë të BE’së për Siguri dhe Politikë të Jashtme, Josep Borell, që vjen nga Spanja.
Përveç kësaj, dyshja gjermane thonë se Lajçak në bagazhin e tij politik në Ballkan ka vetëm dështime politike. “Së dyti, Lajçak bartë një bagazh serioz politik: një histori të dështimit politik në Ballkan”, thuhet në shkrimin e Vogel dhe Weber.
Dy ekspertët gjerman i kujtojnë Lajçakut dështimin politik përgjatë kohës sa kishte shërbyer në Bosnje e Hercegovinë dhe humbjen e luftës politike me Millorad Dodikun.
VAZHDO TË LEXOSH MË TEPËR PËR TEMËN
Dialogu Kosovë-Serbi temë diskutimi në kryeqytetin serb
Çfarë deklaron eksperti gjerman për Ballkanin?
A do të ketë emisarë të tjerë?
