Sipas Ministrisë së Shëndetësisë, 50-vjeçarja që ndërroi jetë mbrmjën e djeshme nuk ka pasur koronavirus.
“Jane testuar 8 raste te reja negative, ne total 50 raste te dyshuara negative. Kane hyre 18030 udhetare ne Shqiperi. Te 127 ka pasur ne 24 oret e fundit 1427 thirrje ne oret e fundit vetem 32 me shenja te koronavirusit. Njoftoni 127 kur keni dyshime. Rasti i Korces rast kompleks, me edem pulmonare dhe ka rezultuar grip tipi A. Per coronavirusin doli negativ. Asnje shqiptar i prekur nga koronavirusi”, thuhet sipas Ministrisë.
50-vjeçarja humbi jetën mbrëmjen e të mërkurës në qytetin e Korçës.
Burime bënë me dije se 50-vjeçarja vuante nga diabeti prej kohësh, e ndërsa kishte shfaqur probleme të frymëmarrjes gjatë shtrimit në spital, simptomë kjo e cila ka vënë në lëvizje mjekët e spitalit nëse bëhej fjalë për një rast me Coronavirus.
Ndërkohë që ky rast i dyshimtë ka bërë që spitali rajonal i Korçës së bashku me stafin mjekësor të marrin masat, edhe pse ende nuk ka asgjë zyrtare.
Ministria e Shëndetësisë dhe Mbrojtjes Sociale rekomandon për udhëtarët që kanë udhëtuar nga rajonet e prekura me shpërthime komunitare dhe që kanë patur kontakte me persona të sëmure apo të dyshuar për COVID19 të vetëkarantinohen për një periudhë 14 ditore.
