Kredia pësoi një rënie të lehtë gjatë muajit janar, megjithatë ngelet në ritme pozitive të rritjes vjetore. Sipas Scan, të dhënat e Bankës së Shqipërisë tregojnë se portofoli i kredisë për ekonominë arriti në rreth 569 miliardë lekë, afërsisht dy miliardë lekë më pak krahasuar me fundin e dhjetorit 2019.
Megjithatë, me bazë vjetore kredia ngelet në rritje, me 6% më shumë krahasuar me janarin e vitit të kaluar. Segmenti më i shëndetshëm në kredidhënie ngelet ai individëve. Edhe për janarin u regjistrua një rritje e lehtë, ndërsa me bazë vjetore rritja është pranë nivelit 6.5%.
Kredia për biznesin ra lehtë gjatë janarit, duke qenë faktor përcaktues në frenimin e kredisë për ekonominë. Megjithatë edhe ajo ngelet në rritje vjetore pozitive, me 4% më shumë. Në vlerë, kredia për bizneset private ngelet shtylla kryesore e kreditimit, me rreth 59% të portofolit total të huasë. Nëse kredia për individë tashmë dominohet bindshëm nga leku, te huaja për biznesin valuta mbizotëruese është ende euroja.
VAZHDO TË LEXOSH MË TEPËR PËR TEMËN
‘Sfidat nuk janë të pakta!’/ Sejko: Zhvillim i qëndrueshëm!
“Politika monetare e BSH e ka dhënë efektin”
‘Zhgënjen’ de-euroizimi
