Përhapja në Ballkan e Koronavirusit ka prekur edhe ndeshjet e play-off për kualifikimin në “Euro 2020”. Kosova do të luajë më datën 26 mars një ndeshje tejet të rëndësishme, teksa përballet në gjysmëfinalen e Ligës së Kombeve me Maqedoninë e Veriut.
“Dardanët” kanë shansin e artë për të prekur finalet e Europianit, pasi nuk ia dolën të kualifikoheshin nga grupi i tyre ku ishin së bashku me Anglinë dhe Republikën e Çekisë, të cilat kanë prerë biletën për në eventin e rëndësishëm.
Tashmë, Kosova është e përqendruar me të gjitha forcat te ndeshja në fund të marsit. Takimi sipas shortit është paracaktuar të luhet në Maqedoninë e Veriut. Biletat para disa ditëve kishin dalë në shitje, por, Koronavirusi ka ndryshuar planet, ndërsa tashmë është vendosur të luhet pa praninë e tifozëve.
Ky është një vendim zyrtar nga Ministri i Shëndetësisë së Maqedonisë së Veriut, që kërkon ashtu si në shumë vende europiane, të sigurohet për shëndetin e njerëzve. Nëse Kosova fiton këtë ndeshje, do të përballet me fituesin e çiftit Bjellorusi-Gjeorgji dhe, nëse ia del, do të luajë në Europian.
VAZHDO TË LEXOSH MË TEPËR PËR TEMËN
Ndalet Serie A, por jo Champions dhe Europa League
Nuk ka ndërprerje në Shqipëri, futboll pa tifozë
