Ndalet basketbolli shqiptar, asnjë ndeshje

Ndryshe nga futbolli, që ka vijuar sot aktivitetin me dyer të mbyllura të stadiumeve, basketbolli shqiptar ka ndërprerë momentalisht aktivitetet në të gjitha nivelet që organizon federata e këtij sporti.

Alarmi dhe frika e përhapjes në masë të Koronavirusit pas dy rasteve të para që janë shfaqur dhe po ekzaminohen ka detyruar qeverinë që të kërkojë mbylljen e aktiviteteve sportive.

Një vendim ky që është pritur edhe nga Federata Shqiptare e Bastkebollit, që me një komunikatë të shkurtër për shtyp ka vendosur që të mbyllë aktivitetin. Pra, jo me dyer të mbyllura, por ndërprerje e kampionateve!