Pas pezullimit në momentin e fundit të turneut Masters të Indian Wells drejtuesit e Federatës Ndërkombëtare të Tenisit (ITF) kanë marrë vendimin për të pezulluar për 6 javë të gjitha eventet sportive për shkak të coronavirus.
Kështu, nuk do të zhvillohen turnetë e Miami, Houston, Marakesh, Montecarlo, Barcelona dhe Budapest (sa për të përmendur disa nga më të rëndësishmit). Pra, asnjë ndeshje deri më datën 3 maj 2020. Në rrezik edhe grand slam i Roland Garros, që nis më 24 maj.
“Ne po monitorojmë situatën”, thanë drejtuesit e ITF-së. Ky pezullim i gjatë mbyll para kohe turnetë në fushat me çimento, por anulon edhe një pjesë të mirë të turneve në fushat me dhè, që nisin në fillim të prillit.