Kina ka fshehur diçka në pandeminë e koronavirusit. Me këtë përfundim arrin inteligjenca amerikane, e cila ka dorëzuar një raport të klasifikuar në Shtëpinë e Bardhë, sipas tre zyrtarëve amerikanë, shkruan “Bloomberg”
Zyrtarët kërkuan të mos identifikohen sepse raporti është sekret, dhe ata nuk pranuan të japin të tjera detaje mbi përmbajtjen e tij. Por, ata thanë që thelbi është se raportimi publik i Kinës për rastet dhe vdekjet është qëllimisht i paplotë.
Dy nga zyrtarët thanë se raporti arrin në përfundimin se numrat e Kinës paraqitur nga Kina janë të rreme. Raporti u prit nga Shtëpia e Bardhë javën e kaluar, tha një nga zyrtarët.
Përhapja filloi në provincën Hubei të Kinës në fund të vitit 2019, por vendi ka raportuar publikisht vetëm rreth 82,000 raste dhe 3.300 vdekje, sipas të dhënave të përpiluara nga Universiteti “Johns Hopkins”.
Kjo krahason me më shumë se 189,000 raste dhe më shumë se 4,000 vdekje në ShBA, e cila ka shpërthimin më të madh të raportuar publikisht në botë.
Stafi i komunikimit në Shtëpinë e Bardhë dhe ambasada kineze në Uashington nuk u përgjigjën menjëherë kërkesave për koment.
“Realiteti është se ne mund të ishim më mirë nëse Kina do të kishte qenë më e disponueshme,” tha Zëvendës Presidenti Mike Pence të mërkurën në CNN.
Qeveria kineze ka rishikuar në mënyrë të përsëritur metodologjinë e saj për numërimin e rasteve, me javë të tëra duke përjashtuar njerëz pa simptoma plotësisht, dhe vetëm të martën shtoi më shumë se 1.500 raste asimptomatike në totalin e saj.
Grumbuj të mijëra urnave jashtë krematoriumeve në provincën Hubei kanë shkaktuar dyshime të publikut mbi raportimet e Pekinit.
Ligjvënësit republikanë në ShBA kanë qenë veçanërisht të ashpër në lidhje me rolin e Kinës në shpërthimin e epidemisë.
Edhe Presidenti amerikan Donald Trump vuri në dyshim saktësinë e të dhënave zyrtare të dhëna nga Kina për epideminë e koronavirusit, disa orë pasi ligjvënësit amerikanë akuzuan Pekinin për fshehjen e tyre, duke cituar një raport të inteligjencës.
“Si mund ta dimë se shifrat e tyre janë të sakta?” – pyeti Trump në konferencën për shtyp. “Numrat e tyre duket se janë shumë të ulët.” – shtoi Trump.
VAZHDO TË LEXOSH MË TEPËR PËR TEMËN
“Babai më ndërroi jetë, por nuk kthehem dot prej Koronavirusit”
‘Mikrobi është kthyer në Evropë…’
“Koronavirusi, sfida më e madhe globale që nga Lufta e Dytë Botërore”
