05.04.2020 - 17:42
Situata e krijuar nga koronavirusi në Itali është përmirësuar dy ditët e fundit, pasi numri i viktimave është më i vogël se ditët e tjera.
525 të vdekur janë raportuar në 24 orët e fundit, duke e çuar në 15.887 numrin e viktimave nga COVID-19, ndërsa janë shtuar edhe 4316 raste të tjera me koronavirus.
Numri total i të infektuarve në Itali është 128.948, që e bën vendin e dytë më të prekur nga COVID-19, pas SHBA-ve, por ka numrin më të madh të viktimave.
Ndërkohë ka arritur në 21.815 numri i të shëruarve.
Në total shteti fqinj ka kryer 691.491 teste, ndërsa janë marrë masa shumë shtrënguese për të parandaluar përhapjen e koronavirusit.
