Niko Peleshi ka një ofertë joshëse… sapo të përfundojë “veçimi social”

Ai ka publikuar në ‘Facebook’ një video nga Korça dhe e cilëson si një kartolinë duke renditur disa arsye pse ky qytet duhet zgjedhur për të pushuar, sapo të përfundojë veçimi social.

Sipas Peleshit, njësitë akomoduese janë me kapacitet të vogël, dreka apo darka mund të shijohen në natyrë në rrethinat me ajër të pastër të Voskopojës, Dardhës, Vithkuqit, Boboshticës, Drenovës, Polenës, Linit,etj. Edhe së fundmi, Korçëa ofron infrastrukturën më të madhe sportive dhe argëtuese në mjedis të hapur, krahasuar me të gjitha vendet e rajonit.

Postimi i plote i Peleshit:

NJË KARTOLINË NGA KORÇA.

Turizmi është sektori më i rrezikuar nga pandemia. Njerëzit do të shmangin grumbullimet masive deri sa të prodhohet e të shpërndahet globalisht një vaksinë kundër koronavirusit.

Por Korça mbetet vendi më i mirë për të kaluar një fundjavë me familjen apo me një rreth te vogël miqsh, sapo të përfundojë periudha e veçimit social. E dini pse?

Së pari njësitë akomoduese janë të tipit bujtinë, pra me kapacitet të vogël.

Së dyti dreka apo darka mund të shijohen në natyrë në rrethinat me ajër të pastër të Voskopojës, Dardhës, Vithkuqit, Boboshticës, Drenovës, Polenës, Linit, Tushemishtit, Prespës, Rehovës së Kolonjës, Zvirinës, në Pyllin e Fazanëve, në Ziçisht, Hoçisht, Arrëzë, Nikolicë, në Bozdovec, Gramoz, Moravë, Malin e Thatë, Gërmenj etj.

Së treti, Korçë ofron infrastrukturën më të madhe sportive dhe argëtuese në mjedis të hapur, krahasuar me të gjitha vendet e rajonit. 200 mije m2 hapesirë sportive në qytet, 840 km itinerar per pedalim i pajisur me guide digitale ne google maps, qindra km shtigje të shënuara në të gjithë rajonin nga Pogradeci e deri në Leskovik.

Qëndroni në shtëpi dhe planifikoni udhëtimin e parë në natyrën e pastër të Korçës. Në bujtinat e vogla e plot sharm të Korçës do të jeni si në shtëpinë tuaj. Ne po inkurajojmë operatorët e turizmit të përshtatin produktet me rekomandimet e institucioneve të shëndetit publik.

Korça ka ofertën më të përshtatshme turistike për këtë vit të pazakontë.