Duke iu përshtatur situatës së vështirë në vend, pothuajse çdo dyqan ka vendosur t’i qëndrojë pranë çdokujt që ka nevojë për produkte, shërbime bazike, por edhe luksi duke ofruar shërbimin online. Shumë dyqane në Tiranë, por jo vetëm, e ofronin pazarin online prej kohësh. Ndërsa disa të tjera e shtuan këtë shërbim vetëm kohët e fundit.
A e kishit menduar ndonjëherë që edhe një sallameri do ofronte mundësinë e të blerit online? Jo se kjo ishte e pamundur, por u desh koronavirusi që pazari online të bëhej pjesë e axhendës së pronarëve, që në fund të fundit s’duan gjë tjetër veçse të rrisin shitjet e tyre.
Mjafton një website ku ekspozohen deri tani pjesa më e madhe e produkteve kryesore, porosit online dhe brenda 24-48 orëve porosia vjen në adresën tënde. Pagesa ende bëhet cash, edhe pse shumë ekspertë sugjerojnë që për të shmangur rrëziqet e mundshme të paguani me kartë debiti.
Por çfarë thonë studimet e deritanishme, çfarë po blejnë më së tepërmi njerëzit në krizën e koronavirusit?
Shitësit me pakicë po luftojnë për ngritje me porositë në internet dhe konsumatorët kanë filluar të shohin më shumë mesazhe në epokën e koronavirusit, sipas një studimi të ri nga Adobe Analytics. Firma hulumtuese analizoi të dhënat nga triliona vizita në faqet e internetit të shitjes me pakicë duke zbuluar se blerjet ushqimore në internet po udhëheqin bumin e tregtisë.
Ndër artikujt më të njohur në karrocat e blerjeve në internet të njerëzve janë: Produktet shëndetësore, pajisje palestre, letër higjienike dhe ushqime të konservuara. Shitjet e përgjithshme në internet kanë kërcyer 25% në mes të krizës COVID-19, ndërsa blerjet ushqimore online kanë parë një rritje mbi 100% të shitjeve të përditshme. Kategoritë që lidhen me produkte të mbrojtjes së viruseve, siç janë dorezat, maskat dhe higjenizuesit e duarve janë rritur 807%, zbuloi studimi. Blerjet mbi ilaçet u rritën 217%. Porositë në internet për pajisjet e fitnesit janë rritur me 55% pasi palestrat filluan të mbyllen në të gjithë botën për të ngadalësuar përhapjen e shpërthimit.
VAZHDO TË LEXOSH MË TEPËR PËR TEMËN
“Duhet trajtim në kohë! Ja kur pritet mbërritja e ‘pikut’ të Covid-19”
“Ekonomia e luftës” apo ”korona-ekonomia”?
“Babai më ndërroi jetë, por nuk kthehem dot prej Koronavirusit”
