Kur Pavlos Pandelides kuptoi se pandemia e koronavirusit po shkonte drejt perëndimit, ai bleu një biletë avioni dhe fluturoi nga Athina për në Londër. Ai më pas udhëtoi për në Nottingham për të marrë vajzën e tij, një studente në universitetin e qytetit, përpara se të kthehej me të ditën tjetër në Greqi.
Si një admirues i flaktë i të gjitha gjërave britanike, biznesmeni nuk kishte asnjë dyshim se ajo që po bënte ishte e drejtë. “Britanikët janë luftëtarë, por unë mund ta shihja që ata po e nënvlerësonin këtë,” tha ai.
Ndërsa Covid-19 po e “shkatërronte” Italinë në veri, Boris Johnson ishte akoma i dobët, me qeverinë e tij që po tregonte shenja shqetësuese të vetëkënaqësisë. Pandelides tha se nuk kishte kohë për të humbur. “Ishte më shumë se të qenurit baba mbrojtës. ”
Në javët paraprake të pezullimit të 23 marsit nga administrata për lidhje ajrore me Mbretërinë e Bashkuar, kërkesa për bileta avionësh në shtëpi nga komuniteti i madh grek i Britanisë u shtuan shumë.
Grekët, si shumë evropianë të tjerë, janë habitur dhe alarmuar nga trajtimi i qeverisë Johnson për urgjencën e shëndetit publik.
“Manaxhimi i pandemisë nga Johnson ka qenë pothuajse mesdhetar në stil, i çuditshëm dhe i shkujdesur,” tha analisti ekonomik Antonis Papagiannidis. “Njerëzit mendojnë se interesat e ekonomisë u vunë përpara shëndetit.”
Në ndryshim nga më shumë se 31,000 njerëz, të prekur nga koronavirusi në Mbretërinë e Bashkuar, Greqia ka një nga shkallët më të ulët të viktimave të kontinentit, me 150 vdekje dhe më pak se 2700 raste të konfirmuara të koronavirusit, pas zbatimit të masave të ashpra për të frenuar epideminë në fillim.
Ndërkohë që Britania hyn në një javë të pasigurt, me shumë dyshime nëse bllokimi i saj do të lehtësohet në mënyrë të konsiderueshme, Grekët po përgatisin plazhet dhe hotelet për një sezon turistik që ata shpresojnë se do të fillojnë në korrik pasi kufizimet gradualisht të pakësohen.
Kryeministri Kyriakos Mitsotakis deri tani i ka rezistuar tundimit. Por ndërsa epidemiologët vazhdojnë të flasin për një rrafshim të kurbës, sondazhet tregojnë mbështetje për qeverinë e tij. Krenaria ka zëvendësuar zemërimin dhe turpin, ndjenjat që dikur mbizotëronin.
Besimi në aftësinë e institucioneve shtetërore gjithashtu thuhet se është rikthyer.
Rezistenca e fituar gjatë viteve të krizës mund të ketë përgatitur grekët të përballen me pandeminë, thonë analistët.
Por Mitsotakis, një ish-bankier që mori pushtetin më pak se një vit më parë, gjithashtu ka marrë meritat, me vendosmërinë për të mbyllur ekonominë, kur ajo sapo kishte filluar të rimëkëmbej dhe që dëgjoi këshillat e mjekëve që në fillim.
Udhëheqësi grek kuptoi që sistemi shëndetësor do të merrte fund nëse pandemia nuk frenohej.
“Ai është një njeri i detajuar që lexon çdo studim, çdo hulumtim të ri për çdo përparim të virusit,” tha një ndihmës. “
Sëmundja e Johnson, shtrimi në spital, megjithatë, u përfol në Greqi, ku shumë prej tyre folën për ngjashmëritë me tragjeditë e shkrimtarëve antikë aq të dashur nga kryeministri klasik.
“Në një farë mënyre, ajo që i ka ndodhur atij të lë shijen e një drame të lashtë,” tha Papagiannidis. “Ajo që po ndodh me Britaninë i bën grekët të ndiejnë dhimbje dhe keqardhje.”
Helena Smill, The Guardian/ konica.al
VAZHDO TË LEXOSH MË TEPËR PËR TEMËN
“Greqia do bjerë në mjerim më shumë se çdo vend tjetër!”
“Pse Greqia ka pak të vdekur dhe të prekur nga Covid-19?”
Greqia ka sukses tani por do të vuajë më vonë!
