Mjeku i njohur infeksionist, Tritan Kalo ka reaguar sot me nje mesazh te forte ne adrese te politikes se vendit, duke theksuar se populli eshte “drobitur nga zhagitja 30 vjeçare PSEUDO-DEMOKRATIKE”.
Me nje shenim ne faqen e tij ne Facebook, Kalo thekson se “Kohët covidiane” ishin, janë dhe do të mbeten kohë SFIDASH me të panjohurën POR jo të pamposhtshmen.
Nje apel direkt e ka per drejtuesit e vendit. “KOHA kërkon nga DREJTUESIT e këtij vendit një VLERËSIM real moralo-monetar të asaj, që MANTELBARDHËT ofrojnë së bashku me të gjithë stafet e tyre, në përballjen me sfidat e SHËNDETËSISË Publike apo jo Publike”- thekson ai.
Mesazhi i Kalos
MENDIMI i paraprin VEPRIMIT….KURRË mos përllogarit si përparësi përftimin tënd prej tyre, POR vetëm e vetëm përftimin socio-ekonomiko-politik të një populli e të një vendi, të drobitur nga zhagitja 30 vjeçare PSEUDO-DEMOKRATIKE….PPP-ja e vetme në DEMON-KRACINË tonë e njohur dhe e mbështetur fuqimisht nga unë ishte, është dhe mbetet: “Puna, Përkushtimi dhe Profesionalizmi.”….
Të dalësh në ekrane apo të shkruash në portale apo në shtypin e shkruar duke përsërisëtitur atë çka të tjerët kanë shprehur mbi një dukuri shoqërore, politike apo profesionale, pa “e kriposur” këtë me ide dhe mendime të tuat, tingëllon si një përsëritje jo e keqe e tyre, POR në perceptimin tim gjurmëzimet në kujtesën shoqërore, që ato lenë për ty si individ socio-profesional, janë të sipërfaqëshme dhe shpesh jo shumë bindëse….”Kohët covidiane” ishin, janë dhe do të mbeten kohë SFIDASH me të panjohurën POR jo të pamposhtshmen….
NDOSHTA këto mendime dhe veprime të tuat disa herë nuk mirë-përceptohen si dhe sa duhet, POR ajo që ka më shumë rëndësi është gjurma/impakti që ato lenë në mbrothësimin shoqëror, shëndetsor, ekonomik apo politik të vendit…Kohë të tilla vunë në pah jo pak vanitete e protagonizma të rremë, POR ato njëkohësisht ngulitën në kujtesën e popullit punën, përkushtimin dhe profesionalizmin e heronjve të vërtetë të rrethanave të tilla jo të kërkuara, por veçse të imponuara nga koha….
UNË në këto raste vlen shumë pak para përemrit NE, sepse vetëm e vetëm puna dhe shpirti i një bashkësie profesionistësh e bën diferencën mbi unin protagonist jo meritor.….KOHA kërkon nga DREJTUESIT e këtij vendit një VLERËSIM real moralo-monetar të asaj, që MANTELBARDHËT ofrojnë së bashku me të gjithë stafet e tyre, në përballjen me sfidat e SHËNDETËSISË Publike apo jo Publike….
KURDOHERË edhe në “Kohët jo Covidiane” në Bashkëpunim dhe në Mirëkuptim me JU, Bashkëqytetarë të këtij vendit të begatë, NE do ja dalim mbanë….Ju duam, Ju respektojmë dhe Ju morëpresim në çdo kohë, NËSE ju nevojitet ndihmesa jonë…PARA nesh kemi VERËN plot diell e ngrohtësi…Le të depërtojnë ndërkohë edhe në mendimet e në shpirtërat tanë sa më shumë Diell e Ngrohtësi!!!
VAZHDO TË LEXOSH MË TEPËR PËR TEMËN
Epidemiologu: Koronavirusi ka qarkulluar që në janar në Shqipëri
Epidemiologu: Rritja e temperaturave dhe e lagështisë ul infektimin nga COVID
“Ne po ia dalim dhe do ta fitojmë betejën me COVID”
