22.05.2020 - 19:07
Policia e Durrësit ka proceduar penalisht në gjendje të lirë dy organizatorë të protestës së sotme në qytetin bregdetar të Aleancës për Mbrojtjen e Teatrit.
Ata janë Robert Budina dhe Ferdinand Xhaferri që akuzohen për “Organizim dhe pjesëmarrje në manifestime dhe grumbullime të paligjshme”.
Në një njoftim për mediat të policisë bëhet me dije se specialistët për Hetimin e Krimeve në Komisariatin e Policisë Durrës, proceduan në gjendje të lirë shtetasit R.B., 56 vjeç; F.Xh., 56 vjeç, banues në Tiranë.
“Ata, në datë 22.05.2020, rreth orës 17:30, në lagjen nr.11, Durrës, kanë organizuar tubim të paligjshëm”.
Materialet i kaluan Prokurorisë së Rrethit Gjyqësor Durrës për veprime të mëtejshme.
