Bujqësia është një hallkë e rëndësishme e ekonomisë shqiptare, por deri tani qeveria nuk kishte ofruar ndonjë mbështetje për këtë sektor në përballjen me pandeminë e koronavirusit.
Vetëm këtë të shtunë është deklaruar nga Ministri Çuçi si një masë mbështetëse zëvëndësimi i plastamasit në serra dhe tunele plastike.
“Çdo fermer që do të ndryshojë plastmasin, Ministria e Bujqësisë dhe Zhvillimit Rural nëpërmjet Skemës Kombëtare të mbështetjes do t’i paguajë pjesën e taksës që ata japin kur blejnë plastmasin si lëndë e parë”, u shpreh ministri.
Me këtë ndërhyrje synohet të bëhet ulja e kostos së prodhimit të permieve dhe luleshtrydheve.
Luleshtrydhja është një nga produktet bujqësore e cila po shitet me çmimin më të lartë që prej 6 vitesh. Ndërkohë që eksporti i fruta-perimeve vetëm gjatë muajit prill u rrit me 14.3% krahasauar me një vit më parë.
Për të gjithë fermerët që duan të përfitojnë nga kjo skemë aplikimet online do të nisin brenda muajit maj dhe fondi i parashikaur për këtë vit është 743.9 milionë lekë ku mund të përfitojnë rreth 4 mijë fermerë.
VAZHDO TË LEXOSH MË TEPËR PËR TEMËN
Adrian Civici: Dritëhijet e amnistisë fiskale
ANALIZA/ Adrian Civici: Paketa ekonomike – përballë sfidës
Ekonomia post-coronavirus/ Çfarë pritet të ndodhë?
