Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Si mund të trajtoj mykun në lëkurë?
Përgjigjja nga dermatologia: Myku i lëkurës është një infeksion i pakëndshëm që shkakton djegie dhe kruarje të lëkurës. Ky infeksion pushton keratinën e vdekur, një proteinë që gjendet tek lëkura, thonjtë dhe flokët, dhe mund të shfaqet në zona të ndryshme. Disa prej shkaktarëve kryesore të mykut të lëkurës janë:
Sistemi i dobët imunitar/ Ngjitja e infeksionit nga burime të tjera siç janë pishinat. Mungesa e higjenës, djersitja dhe lagështia e tepërt.
Ushqyerja e keqe dhe mungesa e vitaminave
Stresi.
Simptomat e mykut të lëkurës janë lehtësisht të dallueshme. Zakonisht, në lëkurë vërehen njolla ose puçra të ngjyrave dhe madhësive të ndryshme. Ato kanë formë rrethore dhe skuqen lehtë. Lëkura djeg ose kruhet.
Rekomandohet që të shmangni mishin e kuq, miellin e bardhë, sheqerin, qumështin e lopës. Hani më shumë fruta, sidomos agrume që fuqizojnë sistemin mbrojtës të organizmit dhe e pastrojnë atë. Kosi përmban lactobacite, baktere të mira që luftojnë mykun. Atë mund ta aplikoni direkt mbi lëkurë. Acidi citrik tek limoni është shumë efikas kundër mykut të lëkurës. Atë duhet ta përdorni natën sepse gjatë ditës mund të shkaktojë çngjyrosje të lëkurës. Lëngu i boronices se kuqe të shëndetshëm e lufton mykun nga brenda dhe jashtë. Gjethja e ullirit forcon sistemin imunitar dhe eliminon mykun.Ju mund t’i merrni këto përfitime duke pirë çajin e gjethes së ullirit ose duke e aplikuar atë në lëkurë.
Përzieni dy lugë gjelle me kripë deti dhe një gotë me ujë. Pasi kripa të jetë tretur mirë, me këtë solucion lyeni zonën e prekur të lëkurës disa herë në ditë. Hudhra është padyshim një nga kurat më të mira natyrale kundër mykut të lëkurës. Hudhrën mund ta konsumoni çdo ditë me stomak bosh ose ta shtypni atë dhe ta aplikoni në lëkurë. Hidhni dy ose tre pika me vaj rigoni në një gotë me ujë dhe pijeni. Përzieni sasi të barabarta të vajit të ullirit dhe atij të rigonit dhe masazhoni lëkurën. Vaji i Arrës Së Kokosit është i pasur me acide yndyrore që shkatërrojnë mykun. Atë mund ta aplikoni në zonën e prekur të lëkurës dy deri në tre herë në ditë. Uthulla e mollës rregullon pehashin natyral të lëkurës dhe parandalon shumimin e mykut. Përzieni 2 lugë gjelle me ujë dhe një lugë gjelle me uthull molle. Pasi uthulla të jetë tretur në ujë, përdorni një garzë për ta aplikuar atë në lëkurë. Shafrani i Indisë është një armike e lindur e mykut dhe infeksioneve. Atë mund ta hidhni direkt mbi lëkurë dhe ta mbani për disa orë ose ta konsumoni duke e pirë me qumësht dhe mjaltë. Vlerat e aloe verës janë të panumërta dhe përfshijnë eliminimin e mykut. Aplikoni mbi lëkurë xhelin e freskët të bimës disa herë gjatë ditës.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
