I dërguari i posaçëm i SHBA për dialogun Kosovë- Serbi, Richard Grenell ka uruar qeverinë e re me në krye Avdullah Hotin.
Në një komunikim për mediat, Grenell ka thënë se mezi pret rifillimin e bisedimeve midis Kosovës dhe Serbisë.
“E mirëpres Qeverinë e re të Kosovës dhe mezi pres që të rifillojë partneriteti me ta në dialogun me Serbinë”, thuhet në deklaratën e Grenell.
Kujtojmë që ditën e sotme me 61 vota pro, 24 vota kundër dhe 1 abstenim, Kuvendi i Kosovës ka miratuar qeveria e re e koalicionit LDK-AAK-Nisma-minoritetet me kryeministër Avdullah Hotin.
Pas Shteteve të Bashkuara të Amerikës, edhe Bashkimi Evropian ka përgëzuar qeverinë e re të Republikës së Kosovës.
Përmes një shënimi në twitter, i dërguari spacial për dialogun Beograd-Prishtinë, Miroslav Lajçak, ka përgëzuar qeverinë e re me kryeministër Avdullah Hoti, dhe i ka bërë thirrje për bashkëpunim të ngushtë në luftën kundër korrupsionit, në mënyrë që raporti me BE të avancojë më tej.
“The ?? EU congratulates the new Kosovo government led by Prime Minister Avdullah Hoti and looks forward to our joint work to advance EU-Kosovo relations”. Read the Joint statement by @JosepBorrellF and Commissioner @OliverVarhelyi ?https://t.co/7c7KdAItyh
— European External Action Service – EEAS ?? (@eu_eeas) June 3, 2020
“Bashkimi Europian përgëzon qeverinë e re të Kosovës drejtuar nga kryeministri Avdullah Hoti, dhe i bën thirrje që të bëjë hapa përpara në punën tonë të përbashkët për avancimin e raporteve BE-Kosovë”.
