Drejtori i Përgjithshëm i OBSH është shprehur i shqetësuar në lidhje me efektivitetin në kohë të vaksinës kundër koronavirusit
Ai tha se ‘problemi është se sa do të zgjasë imuniteti i krijuar pas vaksinimit’
Tedros Adhanom Ghebreyesus tha gjithashtu se shumë kompani bioteknike po punojnë për të gjëtur vaksinën. “Unë mendoj se do të jetë shumë efektive, por problemi i vërtetë do të jetë kohëzgjatja e imunitetit dhe antitrupat neutralizues”.
Ndërkohë dje, laboratori gjerman “CureVac” deklaroi se do të procedojë provat klinike të një vaksine kundër koronavirusit
“Bëhet fjalë për një etapë të rëndësishme drejt autorizimit të një vaksine të sigurt dhe efikase kundër COVID-19 për popullsinë në Gjermani dhe më gjerë” – tha Instituti Paul-Ehrlich, në një komunikatë për shtyp.
Sipas Organizatës Botërore të Shëndetësisë (OBSH), tashmë ekzistojnë 11 vaksina potenciale kundër koronavirusit, të testuara te njerëzit.
Në fund të prillit, laboratori i parë gjerman “BioNTech” e Mainz në lidhje me laboratorin amerikan “Pfizer”, mori dritën jeshile nga autoriteti rregullator për të filluar provat e para klinike.
“Provat klinike të ‘CureVac’ do të kryhen si pjesë e një studimi me 168 vullnetarë të shëndetshëm, ndër të cilët 144 do të vaksinohen gjatë muajit për të ekzaminuar nëse ata tolerojnë mirë dozat e vaksinave”, theksoi instituti ”Paul-Ehrlich”.
VAZHDO TË LEXOSH MË TEPËR PËR TEMËN
Vaksina e Koronavirusit mund të jetë gati këtë shtator!
Rritje e rasteve të reja me COVID, zyrtarët e SHBA japin alarmin
