“Nuk jemi përfshirë në listat e përfituesve nga grantet për Rindërtimin”

Një protestë është zhvilluar para Bashkisë së Durrësit ku dhjetëra qytetarë pretendojnë se janë lënë jashtë listave të përfituesve nga grantet e Rindërtimit për tërmetin e 26 nëntorit.

Mësohet se Këshilli Bashkiak i Durrësit miratoi të enjten listat e përfituesve teksa në korrik fillon dhënia e granteve për familjet e banesave të dëmtuara në shkallën DS1, DS2, DS3.

Por duket se ka dhe qytetarë që edhe pse i kanë banesat e dëmtuara nga tërmeti, kanë ngelur jashtë listave dhe ata sot protestojnë para Bashkisë së Durrësit që nuk ka një kryebashkiak aktual, por të komanduarën, Emiriana Sako.