05.06.2020 - 17:41
Pas SHBA-së dhe BE-së, OSBE-ja ka thirrur në takim anëtarët e Këshillit Politik për Reformën Zgjedhore. Report Tv mëson se takimi do të zhvillohet në orën 19:30, në Pallatin e Kongreseve.
Mësohet se opozita jashtëparlamentare ka konfirmuar pjesëmarrjen, teksa mësohet se në selinë blu ditën e sotme ka pasur takime të njëpasnjëshme.
Deri më tani nuk ka një konsensus të plotë për Reformën Zgjedhore. Cështja e vetme që ndan palët është depolitizimi i reformës zgjedhore, teksa ambasadorja Yuri Kim tha ditë më parë se tashmë topi për marrëveshjen është në fushën e Bashës.
