Ministrja e Shëndetësisë, Ogerta Manastirliu ka zhvilluar ditën e sotme një takim me drejtues të shërbimeve mjekësore në Qendrën Spitalore Universitare “Nënë Tereza”, në lidhje me situatën e krijuar për shkak të COVID-19.
“Shërbimi nuk i ka munguar dhe nuk do t’i mungojë asnjë qytetari në nevojë për kujdes mjekësor.
Ndërkohë, lufta me Covid-19 nuk ka përfunduar, po kalojmë një fazë tejet delikate dhe të rëndësishme në përpjekjen tonë të përbashkët për të frenuar përhapjen e virusit. Në këtë fazë, zbatimi rigoroz i protokolleve dhe mjeteve të mbrojtjes personale në dispozicion për çdo punonjës të sistemit shëndetësor, si dhe vigjilenca në të gjitha nivelet e shërbimit, kanë rëndësi jetike”, tha Manastirliu.
Mes të tjerash ajo porositi shefave të shërbimit në QSUT se duhet vigjilencë. Manastirliu ka apeluar për qytetarët që të vazhdojnë të kenë kujdes duke zbatuar rregullat e vendosura për të mbrojtur veten, të afërmit, dhe personelin shëndetësor.
“Ashtu siç kemi bërë që nga dita e parë e kësaj epidemie të vijojmë të mbrojmë veten, të afërmit tanë dhe ata që na shërbejnë pa u lodhur në sistemin tonë shëndetësor. Po kaq rëndësi ka edhe mirëkuptimi i familjarëve të pacientëve, për të zbatuar rregulloren e hyrje-daljeve në spital. Nuk do të lodhem së përsërituri lutjen për çdo qytetar: Të zbatojmë rregullat e distancimit fizik dhe higjienën personale”, apeloi ministrja Manastirliu.
VAZHDO TË LEXOSH MË TEPËR PËR TEMËN
“Ata që përpiqeshin të dobësonin Shqipërinë vite më parë, janë duke…”
“Me njërën dorë e sy vizatoj, me dorën e syrin tjetër kujdesem për punën e kryeministrit”
“Nuk ka raste të konfirmuara me koronavirus në Shqipëri!”
