Epidemiologu Ilir Alimehmeti, teksa eshte ndalur ne situatën epidemike aktuale nga koronavirusi ne vend, theksoi se per te analizuar atë çfarë po ndodh me virusin në Shqipëri duhen patur parasysh disa pika të rëndësishme, që nga fillimi kur u shfaqën rastet e para të të infektuarve në vend, dhe se si vazhdoi mbyllja e popullatës në muajin mars.
Sipas tij, mbyllja herët e popullatës në muajin mars nuk e la virusin të kishte një ecuri natyrore. Kjo gjë sipas tij, po ndodh tani kur gjithçka qarkullon lirshëm.
Alimehmeti u shpreh ne një nga emisionet shqiptare se virusi ka pësuar mutacion dhe mendohet se tashmë lloji i ri i tij po qarkullon edhe në Shqipëri.
Varianti i ri i Covid, sipas Alimehmetit, nuk duket të jetë më i rëndë se sa varianti i parë i tij.
“Në Shqipëri duhet të marrim parasysh disa pika: Së pari ne masat i morëm shumë më shpejt në kurbën e epidemisë në krahasim me si i morën ato shtet si Italia apo si Spanja. Ne pamë çfarë u ndodhi atyre dhe u mbyllëm më herët dhe nuk lamë një ecuri natyrore në mars.
Kujtoj që Italia e bëri mbylljen pasi kishte 800 të vdekur. Ajo që po shohim tani është një ecuri natyrore e virusi, shoqëri krejtësisht e hapur por duke marrë parasysh që të paktën në ndërgjegjen, jo e të gjithëve, por e një pjese të popullatës, distanca ka hyrë, higjiena ka hyrë, logjika e përdorjes së maskave ka hyrë.
Në mars ishim naiv në këtë drejtim dhe nuk i kishim këto. Dua të kujtoj një element, vëzhgimi klinik, ne nuk e bëjmë në Shqipëri ngarkesën virale, nuk kemi shifra nuk mund ta themi dot këtë.
Ka gjasa që të jemi ngjashëm me shtetet e tjera por nuk e kemi këtë matje, por ajo që mund të shohim është përqindja e pacientëve që kanë nevojë për hospitalizim, ndërkohë që në mars kjo përqindje ishte mbi 50% duke arritur edhe 58 %, sot që flasim është diku 6.6%. këto 6.6 % janë njësoj rëndë si ata 50 % e marsit. Kush është rëndë, është rëndë.
Nëse infektohen 100 mijë njerëz, 6 % e 100 mijë njerëzve është 6 mijë vetë, dhe 50 % e 100 vetëve është 50 persona.
Kemi edhe mutacionin që ka pësuar virusi, është bërë më i transmetueshëm, që ka gjasa që ky lloj është në Shqipëri në këtë moment, ai dominon, por nga krahu tjetër nuk duket të jetë më i rëndë, se sa varianti i mëparshëm i virusit”, tha epidemiologu.
VAZHDO TË LEXOSH MË TEPËR PËR TEMËN
Epidemiologu: Hapja nuk do të sjellë shumëfishim të rasteve
“Pandemia më e rrezikshme!” Ja çfarë do të ndodhë me Covid-19!
