28.07.2020 - 08:05
Italia i vjen në ndihmë Shqipërisë për të përballuar situatën e Covid, duke i kthyer kështu nderin për dërgimin e mjekëve dhe infermierëve në vendin fqinj disa javë më parë.
Presidenti i rajonit të puglias Michele Emiliano bën me dije se ka folur me kryeministrin Edi Rama dhe i ka ofruar vendit tonë asistencë në sistemin shëndetësor.
“Kam folur me Edi Ramën. I kemi ofruar asistencë në sistemin shëndetësor.
Task Forca jonë do të ushtrojë kontrolle dhe ndër-kufitare. Task forca jonë do të niset në Shqipëri sapo të mbyllë procedurat.
Ndihma me qëllim parandalimin e rrezikut që vjen nga Shqipëria”, ka thënë ai mes të tjerash.
Lajmi u bë me dije gjatë konferencës rajoneve shtetërore në Bari.
