Disa evente sportive po mundohen të kthejnë gradualisht tifozët, duke nisur që nga futbolli. Presidenti i Komitetit Olimpik Ndërkombëtar, Thomas Bach, është kundër zhvillimit të Lojërave të ardhshme Olimpike pa praninë e spektatorëve.
Ka ende shumë paqartësi në lidhje me mënyrën se si do të zhvillohen Lojërat e ardhshme verore, duke patur parasysh që edhe tani shumë sporte kanë rifilluar aktivitetet, por me dyer të mbyllura, për të evituar në këtë mënyrë grumbullimet masive.
Numri 1 i Komitetit Olimpik Ndërkombëtar lëshoi një mesazh të qartë në lidhje me të ardhmen e këtyre lojërave, por është e kuptueshme që një Olimpiadë pa praninë e spektatorëve nuk do të kishte të njëjtën vlerë, e natyrisht zhvillimi i Lojërave Olimpike në rrethana të tilla nuk do t’i interesonte askujt.
Bach theksoi se po këmbëngulet për të gjetur zgjidhje që nga njëra anë të ruhet shëndeti i të pranishmëve dhe sportistëve pjesëmarrës, ndërsa në krahun tjetër të përcillet në mënyrën më të mirë të mundshme edhe shpirti olimpik.
Sipas një sondazhi të kryer në kryeqytetin e Japonisë më shumë se 50% e popullsisë së Tokios është në favor të një shtyrje të mëtejshme të këtyre lojërave, apo qoftë edhe të anulimit përfundimtar të Olimpiadës së ardhshme.
Por 66-vjeçari gjerman përjashtoi një shtyrje të Olimpiadës. Ai shtoi se këshilli drejtues është optimist se lojërat e ardhshme olimpike do të mbahen rregullisht brenda afateve të parashikuara.
VAZHDO TË LEXOSH MË TEPËR PËR TEMËN
“Lojërat Olimpike vitin tjetër, ose do të anulohen fare”
Flaka olimpike mbahet në një vend sekret
