Komisioni i Disiplinës në FSHF ka bërë publike vendimet e fundit, në lidhje me ngjarjen e ndodhur në Pukë, në sfidën mes Tërbunës dhe Egnatias, duke përjashtuar ekipin pukjan nga aktiviteti për dhunën e ushtruar ndaj futbollistëve dhe drejtuesve mik.
Një vendim i ngjashëm ky me atë të dhënë disa muaj më parë ndaj ekipit të Shkumbinit, i cili gjithashtu u përjashtua nga aktiviteti për dhunë ndaj zyrtarëve në ndeshjen kundër Dinamos!
Gjithashtu janë përjashtuar përgjithmonë nga cdo aktivitet futbollistit edhe zyrtarët e Tërbunit, Dritan Frroku, Alfons Gjergji dhe Mark Frroku. Për sa i përket incidenteve në ndeshjet e tjera, një dënim të rëndë ka marrë edhe trajneri i Sopotit, Gentian Stojku.
VENDIMET E DISIPLINES
FK Tërbuni, për dështim në përmbushjen e përgjegjësive në mënyrë të përsëritur, duke mos garantuar sigurinë e lojtarëve të ekipit kundërshtar, në bazë të Neneve 27, 28, 31, 39/1, 55/2, 63, 64/2, dhe 65 të KDS përjashtohet nga aktiviteti futbollistik për sezonin 2019-2020 dhe zbritet në një kategori më të ulët.
Zyrtari i FK Tërbuni, Dritan Frroku, për sulm dhe dhunë ndaj kundërshtarëve, në bazë të Neneve 11/1/e, 11/1/f, 31, 38, 39/1, 47/2/b dhe 55/1 të KDS përjashtohet përgjithmonë nga çdo aktivitet futbollistik.
Zyrtari i FK Tërbuni, Alfons Gjergji, për sulm dhe dhunë ndaj kundërshtarëve, në bazë të Neneve 11/1/e, 11/1/f, 31, 38, 39/1, 47/2/b dhe 55/1 të KDS përjashtohet përgjithmonë nga çdo aktivitet futbollistik.
Zyrtari i FK Tërbuni, Mark Frroku, për sulm dhe dhunë ndaj kundërshtarëve, në bazë të Neneve 11/1/e, 11/1/f, 31, 38, 39/1, 47/2/b dhe 55/1 të KDS përjashtohet përgjithmonë nga çdo aktivitet futbollistik.
Zyrtari i KF Sopoti, Gentian Stojku, për sjellje josportive ndaj zyrtarit të ndeshjes, në bazë të Nenit 48/2/a të KDS dënohet me 8 (tetë) ndeshje pezullim nga aktiviteti futbollistik.
Zyrtari i Vllaznia B, Fatjon Hasanaj, për sjellje josportive ndaj kundërshtarit, në bazë të Nenit 47/2/a të KDS dënohet me 3 (tre) ndeshje pezullim nga aktiviteti futbollistik.
Lojtari i FC Internacional Tirana, Klevis Doka, për sjellje josportive ndaj kundërshtarit, në bazë të Nenit 47/1/d të KDS dënohet me 2 (dy) ndeshje pezullim nga aktiviteti futbollistik.
Lojtari i FC Internacional Tirana, Patrik Vlashi, për sjellje josportive ndaj zyrtarëve të ndeshjes, në bazë të Nenit 48/1/a të KDS dënohet me 4 (katër) ndeshje pezullim nga aktiviteti futbollistik.
Lojtari i Labëria Fc, Halim Begaj, për sjellje josportive ndaj zyrtarëve të ndeshjes, në bazë të Nenit 48/1/a të KDS dënohet me 5 (pesë) ndeshje pezullim nga aktiviteti futbollistik.
Pranimin e kërkesës së FK Shënkolli. Pezullimin e pjesës së mbetur të dënimit. Në bazë të Nenit 32/4/5 të KDS, FK Shënkolli vendoset në provë për një afat 6 muaj dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.
