Pas largimit të jo pak, por 7 drejtorëve të mëparshëm të Kadastrës së Vlorës në harkun kohor të 10 muajve, vjen në krye të këtij institucioni drejtori i tetë.
Drejtori i Përgjithshëm i Agjencisë Shtetërore të Kadastrës Artan Lame prezantoi këtë të hënë drejtorin e ri Andi Binaj, duke shprehur shpresën se ai do qëndrojë në detyrë më gjatë se parardhësit e tij.
Teksa ripërëriti problematikat e këtij qarku me pronat, Lame tha se Vlora po paguan kusuret e 30 viteve papërgjegjshmërie.
Drejtori i ri i Kadastrës së Vlorës, Andi Binaj, tha se për punën e tij dëshiron që tëflasin faktet.
Lëvizjet ne Kadastrën e Vlorës nisen shtatorin e vitit të kaluar kur anti-krimi ekonomik çoi nën hetim 23 persona për shpërdorim detyre e tjetërsim prone. Shkak i largimit të vazhdueshëm të drejtuesve të Kadastrës së Vlorës po bëhet një vendim i Gjykatës së Lartë për një pronë në bregdet.
