Në orët e para të mëngjesit të sotëm në Spitalin e Gjilanit ka vdekur Prokurori i Prokurorisë Themelore në Gjilan, Ismet Ukshini, i cili ishte i infektuar me koronavirus. Përveç COVID-19, Ukshini kishte edhe sëmundje të tjera shoqëruese.
Lajmin e ka bërë të ditur Drejtori i Shëndetësisë, Selami Xhemajli.
“Po, prokurori Ismet Ukshini ka vdekur në orët e para të mëngjesit në spitalin e Gjilanit. Ai ka qenë i konfirmuar se është i infektuar me COVID-19 ndërsa nga data 6 korrik ka qenë i shtruar në spital. Ka pasur edhe sëmundje të tjera shoqëruese. Sipas mjekëve, ka pasur probleme me mushkëri”, ka thënë Xhemajli.
Ndryshe, numri i rasteve të konfirmuara me këtë semundje nga 13 marsi e deri tash ka arritur në 5 mijë e 472, me gjithsej 126 raste të vdekjes të cilët kanë pasur edhe sëmundje të tjera shoqëruese.
VAZHDO TË LEXOSH MË TEPËR PËR TEMËN
“Kosovës as viza as ndihma, Serbisë 7.5 milionë euro”
“BE-ja nuk po bën garë me ndihmat për Ballkanin”
“Koronavirusi po teston shtetin por s’do ju mungojnë ushqimet!”
