Alketa Vejsiu ka paralajmëruar projektin e saj më të ri në Televizionin Klan.
Moderatorja e njohur shqiptare ka ndarë në Instagram, disa momente të këndshme buzë detit, ku shfaqet me miqtë e saj pranë një zjarri të madh.
Alketa lë të kuptohet se programi i ri do të ketë lidhje me muzikën, që mbetet një nga pasionet më të mëdha të moderatores.
“Muzike Shqip. @kejsitola #timekemua Zjarri Deti. #frymezim Gati per serialin e ri ne @rtvklan”, shkruan ajo.
Më pas Alketa ka ndarë disa detaje të tjera në një postim në Instastory, ku shprehet se ende nuk është vendosur emri i “Live Show”-t të ri.
Ajo madje kërkon ndihmën e ndjekësve të saj për të gjetur një emër:
“Live Show më i ri, si do të donit të quhej?”
Epo e kemi të vështirë të themi një emër, pasi do të na duhen pak më tepër detaje në lidhje me këtë program!
