Piktura e vogël e një plaku të lodhur, melankolik, e konsideruar si kopje dhe e dërguar në bodrumin e një muzeu, është zbuluar të jetë një nga veprat e Rembrandtit, sipas “The Guardian”.
Muzeu “Ashmolean” në Oksford, do ta ekspozojë këtë javë “Head of a Bearded Man” (c 1630), që u la në vitin 1951, si një panel i Rembrandtit. Në 1981, ajo u refuzua nga Projekti i Kërkimit Rembrandt, autoriteti kryesor në botë për artistin, që ka fjalën përfundimtare për atributet e artistit.
“Ata e panë freski në pikturë dhe vendosën, se nuk ishte piktura e Rembrandtit,” – tha An Van Camp, kurator i artit pranë muzeut “Ashmolean”.
“Ata thanë, se mund të jetë një imitim i stilit të Rembrandtit dhe është bërë ndoshta, para fundit të shekullit të 17-të, pra as gjatë jetës së piktorit.”
Kuratorët e zhvendosën atë, në dyqanet e muzeut në bodrum. Van Camp u bashkua me muzeun në 2015 dhe u bë i vetëdijshëm për pikturën me madhësinë e një kartoline, se “askush nuk donte të fliste, sepse ishte ky Rembrandti i rremë”.
Van Camp u kërkua së shpejti për të ndihmuar në organizimin e një ekspozite të madhe “Rembrandt të rinj”, që u hap në muze në muajin shkurt, para mbylljes në mars.
VAZHDO TË LEXOSH MË TEPËR PËR TEMËN
Leonardo vs Rembrandt/ Po buçet një betejë e vitit për artin!
Rembrandt kishte “friends” si sot
Shitet autoportreti i jashtëzakonshëm i Rembrandtit
