Një shpërthim i madh ka tronditur kryeqytetin e Libanit, Bejrutin, këtë të martë.
Si pasojë, shumë njerëz janë lënduar dhe xhama të xhamive janë copëtuar. Po ashtu, edhe ndërtime të tjera janë rrënuar, shkruan Reuters.
Agjensia shtetërore e lajmeve në Liban NNA dhe dy burime të sigurisë thanë që shpërthimi kishte ndodhur në zonën e portit ku ka depo që strehonin eksplozivë. Nuk është ende e qartë se cfarë e ka shkaktuar shpërthimin apo se cfarë lloj materiali është eksplozivi në port.
“Pashë një zjarr dhe tym që ishte në qiellin e Bejrutit. Njerëzit ishin duke bërtitur dhe vrapuar, gjakosur. Janë shkatërruar xhami dhe ndërtesa të tëra. Një xhami e lartë u rrënua e ra në rrugë”, tha dëshmitari.
Transmetuesi lokal LBC citoi ministrin e shëndetësisë të thoshte se kishte një “numër shumë të madh” të dëmtimeve dhe një sasi të madhe dëmesh. Televizioni Al Mayadeen tha se qindra njerëz ishin plagosur.
Një tjetër dëshmitar tha për Reuters se ka parë tym të madh e se gjithë zona thuajse u bë gri, ndërsa më pas dëgjoi një shpërthim e pa flakë. “Të gjitha dritaret e zonës në qendër të qytetit janë shkatërruar, ka njerëz të plagosur përreth”, tha tjetër dëshmitar.
***
Shpërthimi që tronditi sot Bejrutin në Liban ishte tepër i fuqishëm, duke ngjallur dyshimet te qytetarët se nuk bëhej fjalë për shpërthim industrial.
Zërat qarkulluan në rrjetet sociale se në portin e kryeqytetit mund të ishte lëshuar një raketë nga Izraeli apo ndoshta edhe nga Hezbollah.
Kjo për shkak se gjatë ditëve të fundit, tensioni në rajon është rritur për shkak të një sulmi ajror nga Izraeli që la të vrarë një ushtar të Hezbollahut në Siri.
Por sipas mediave ndërkombëtare, si qeveria izraelite dhe Hezbollah kanë reaguar duke mohuar të kenë dorë në ndonjë lloj sulmi.
Dyshohet se në një magazinë në portin e qytetit kishte lëndë plasëse që ishin depozituar pas sekuestrimit.
Të paktën 10 persona kanë ndërruar jetë, ndërsa mbi 100 të tjerë kanë mbetur të plagosur.
