26.08.2020 - 10:32
Një 42-vjeçar i quajtur Emanuel Vokrri është arrestuar nga policia e Lezhës pasi ka dhunuar një efektiv të shërbimeve rrugore.
Më saktësisht ngjarja është zhvilluar në aksin rrugor Lezhë-Mabë, ku policia rrugore i ka kërkuar Vokrrit të ndalojë, pasi kishte kryer një parakalim të gabuar. Teksa polici po vijonte me procedurat, duke i komunikuar shkeljet dhe duke i vendosur gjobën, Vokrri ka dalë nga makina dhe e dhunuar.
Menjëherë ka ndërhyrë kolegu i policisë rrugore dhë më pas kanë ardhur në ndihmë patrullat e tjera, të cilat kanë bërë të mundur arrestimin e 42-vjeçarit banues në Manat të Lezhës.
Tani Vokrri do të përballet në gjykatë me akuzën e ‘kundërshtimit me dhunë të punonjësit të policisë dhe rendit publik’.
