Real Madrid të gjitha ndeshjet post izolimit i luajti në stadiumin “Di Stefano”, por duket se nuk ka ndërmend të luajë në “Santiago Bernabeu” deri në momentin që tifozët të kthehen në shkallët e stadiumit.
Drejtuesit e Realit kanë vënë në dijeni se ekipi i tyre do të luajë në impiantit alternativ deri në momentin që kjo situatë të mbarojë. “Alfredo di Stefano” do të jetë stadiumi ku do të luhen ndeshjet e kampionëve.
Nuk ndodh për herë të parë diçka e tillë, pasi “Los Blancos” e mbyllën sezonin në La Liga pikërisht në këtë ambient, pasi stadiumi kryesor po i nënshtrohet disa rikonstruksioneve.
Spanjollët kanë patur probleme ekonomike dhe nuk kanë ndërhyrë në merkato, vetëm në largimin e disa lojtarëve. Dy sponsorët kryesorë “Adidas” dhe “Fly Emirates” kanë marrë një goditje të madhe për shkak të pandemisë.
VAZHDO TË LEXOSH MË TEPËR PËR TEMËN
Real Madrid nuk do të luajë si pritës në “Bernabeu”
“Bernabeu”, projekti marramendës i Realit
